പേരാവൂർ : വീർ സവർക്കറുടെ പേരിൽ സേവാ കേന്ദ്രം ഓഫീസ് തുറന്ന് ബിജെപി. കേന്ദ്ര സർക്കാരിൻ്റെ ജനക്ഷേമ പദ്ധതികളുടെ പ്രചാരണത്തിന് എന്ന പേരിലാണ് പേരാവൂരിൽ വീര സവർക്കർ സേവാസംഘം ഓഫിസ് തുറന്നിട്ടുള്ളത്. തൊണ്ടിയിൽ - തിരുവോണപ്പുറം റോഡിൽ ആരംഭിച്ച വീര സവർക്കർ സേവാസംഘം ഓഫിസിൻ്റെ ഉദ്ഘാടനം ബിജെപി ജില്ലാ പ്രസിഡൻ്റ് ബിജു ഏളക്കുഴി നിർവഹിച്ചു. കേന്ദ്ര സംസ്‌ഥാന സർക്കാരുകളുടെ ജനക്ഷേമ പദ്ധതികൾ നേടിയെടുക്കുന്നതിനും സാധാരണക്കാരെ സഹായിക്കുന്നതിനുള്ള ഹെൽപ് ഡെസ്ക്‌കായി ഈ ഓഫിസ് പ്രവർത്തിക്കുമെന്ന് ജില്ലാ പ്രസിഡൻ്റ് ബിജു ഏളക്കുഴി . പറഞ്ഞു. കായിക പ്രതിഭകൾക്ക് ആദരവും നൽകി. വീര സവർക്കറുടെ ഛായാചിത്രത്തിന് മുന്നിൽ പുഷ്‌പാർച്ചനയും നടത്തി. ബിജെപി സംസ്‌ഥാന കൗൺസിൽ അംഗം കെ.ജയപ്രകാൾ അധ്യക്ഷത വഹിച്ചു കായിക രംഗത്ത് മികച്ച പ്രകടനം നടത്തിയ താരങ്ങളെ ബിജെപി മണ്ഡലം പ്രസിഡൻ്റ് ബേബി സോജ ഉപഹാരം നൽകി ആദരിച്ചു കർഷക മോർച്ച ജില്ലാ പ്രസിഡൻ്റ് മനോഹരൻ വയോറ, എം.ജയൻ, ബിന്നി തോമസ്, പ്രശാന്ത് ഏനാട്ട്, പ്രജിത്ത് ചാലാറത്ത് പ്രസംഗിച്ചു.
Veer Savarkar Seva Sangham in Peravoor
